Lakbaydiwa

taragistagish

isang taon na din ang nakalipas nung binuo ko sa utak ko ang konsepto ng taragistagish sa tumblr, kumbaga sa isang establisimentong itinatayo pa lang hilaw at kulang ang mga materyales na ginamit sa proyektong iyon, isang halimbawa dun ang unang display picture na ginamit ko.. larawan ng pusa, isang hayop na kung hindi ko sisipain ay walang halaga sa akin. taragistagish na yata ang isa sa may pinakasimpleng disenyo sa tumblr, puting kabuuan na kusang pinagdamutan ng arte kaya sa tingin ng iba kung iyon ang pagbabasehan parang hindi daw pinagisipan pero para sa akin ikinukumpara ko ‘yun sa isang opisinang walang kagamitan sa loob bukod sa mesa at upuan na mag aalok sa’yo ng trabaho pero kailangan mo munang maglabas ng pera at dahil nga konti ang laman ng opisina pagkakuha n’ya ng gusto n’ya sa’yo madali silang makakalipat ng ibang lugar, fly by night.
natatawa pa rin akong paglaruan sa isip ko kung ano kaya ang tumatakbo sa isip ng mga karamihan na lumabas sa taragistagish, sa paningin nila ako ang kawawa at walang magawa sa buhay samantalang malinaw na sila ang mas nanlilimos ng atensyon. sila ‘yung mga kinakailangan pang magpakita ng laman nila para lumimos ng pansin sa internet at kanino nila hinihingi ‘yun? sa mga lalaking walang ginawa kundi mag abang ng huwebes para makakita ng hubad na katawan.
at nagkataon lang na andun din ako hindi para maghanap ng inspirasyon kundi para maghanap ng pagtatawanan at sa oras na lumabas sila sa blog ko ako na ang bastos at walang respeto, hindi ko pa rin maintindihan hanggang ngayon kung papaano naging kasalanan ang magpaka captain obvious sa mga bagay na alam na alam na naman ng lahat. ang pagkaka iba lang namin ng mga pumupuri sa inyo ay ‘yung intensyon, dahil hindi katulad nila hindi ako naghahangad na bilugin ang ulo n’yo para lang makaiskor sa inyo pero alam mo ba ang “masakit” na pagkakapareho naming lahat? ang masagwa sa paningin ko ay masagwa din sa mga mata nila pero ako lang ang may boses na sabihin ‘yun ng harapan sa’yo. Magpatuloy sa pagbasa

Standard
tanong / sagot

tanong sagot 30

mga sinagot na tanong mula dito

T. maayos ka na man pala magsulat bat kailangan mamburaot pa sa tumblr? dito ka na lang kuya!
S.  kelan pa naging pambuburaot ang tawag sa pagtuturo ng tama at pagpuna sa masagwa? huwag ka ngang tanga!

T. bakit ang pogi pogi ko??? – jeff
S. ganun talaga, alin kung basta sa tatay mo lang aasa ang nanay mo hindi ka lalabas na ganyan, kala mo ba!

T. ikaw ang blogger na hindi nagmumura kaya kita idol
S. tangena salamat ha.
Magpatuloy sa pagbasa

Standard
Patuka sa Utak

patuka sa utak

hindi naman masamang magpakatotoo at timbangin din minsan ang negatibo sa sitwasyon dahil pag puro sa positibo ka nakatingin mabubulagan ka lang hindi mo alam kung kelan ka dapat sumuko, ‘yung tulak na dapat sana simbulo ng pag iwas aakalain mo lagi na panghihikayat para lalo pang sumugod.

Standard
Lakbaydiwa

ang hindi nasusulat na batas part 2

nagkaron ng pagbabago halos isang taon matapos kong isulat ang entry na ‘to, maliit na pagbabago na hindi ko na binigyang halaga para isulat pa. para paikliin ang kuwento, naghiwalay sila ng asawa n’ya kaya p’wede n’ya na daw akong iadd sa facebook, tipikal na kamustahan, obligadong palitan ng magagandang salita, at nalaman ko na may bago na s’yang boyfriend. tatlo pa sigurong magkakaibang araw na palitan ng mensahe at kamustahan bago kami bumalik sa normal na hindi naguusap, at sigurado ako na hindi ito ‘yung tipong naghihintayan lang ng kung sino ang mauunang magparamdam pinatunayan lang nito na wala na kaming interes sa isa’t isa. Magpatuloy sa pagbasa

Standard
tiyutoryal

paratha egg roll with melted cheese and cucumber

naaalala mo pa ba ‘to?
ngayon naman tuturuan kitang magluto ng paratha egg roll with melted cheese and cucumber.

gusto mo ba ng miryenda na madali lang gawain pero hindi magkamayaw ang sustanya at garantisadong masarap?

hindi? pwes umalis ka dito sa blog ko at magbukas ka na lang ng delatang pork n beans at namnamin mo ang lasang sugat na pagkain na ‘yun.

kung oo naman ang sagot mo, ngayon pa lang kinakamayan na kita bilang pagbati sa napakasarap na miryendang ito at sa kakayahan mong mag desisyon ng tama para sa sarili mo. Magpatuloy sa pagbasa

Standard
Lakbaydiwa

araw ng kagitingan

sa iba ang kaarawan ay basta numero lang na idadagdag sa idad nila at bilang ng taon ng pamamalagi nila dito sa mundo pero para sa akin kung mas palalalimin pa ang kahulugan nun ito ay tagumpay ng nanay ko sa pagaalaga ng isang sanggol na sakitin, pagiintindi sa batang nagpupumilit magrebelde, at pagpapaalpas sa anak na pinatibay ang mga pakpak ng panahon at sariling karanasan. kagabi pa ako nakakaramdam ng lungkot na hindi ko alam kung saan nanggagaling, nalulungkot ba ako dahil bertdey ko at malayo ako sa amin? kalokohan, pang apat na bertdey ko na sa bansang ‘to at isa pa kung nasa amin din naman ako malamang ako din lang mag isa ang magiinom katulad ng mga sinundang bertdey ko. siguro ganun lang talaga, nasa idad na siguro ako na tuwing nadadagdagan ang idad mo kailangang obligahin mo ang sarili mo na magpakamatanda at sa totoo lang sa dahilan na ‘yan naipagkakamali ko lang siguro na lungkot ang takot na nararamdaman ko. Magpatuloy sa pagbasa

Standard